Ерлан Карин Джеки Чанмен кездесті
Кездесуде халықаралық киножоба және Қазақстандағы түсірілім жұмыстары талқыланды
Халықаралық кино ынтымақтастығы
Қазақстан Республикасы Президентінің тапсырмасымен Ерлан Карин халықаралық киножобаның түсірілім тобымен кездесті. Кездесуге танымал актер әрі режиссер Джеки Чан, сондай-ақ қазақстандық және шетелдік продюсерлер қатысты. Кездесу барысында кино саласындағы халықаралық ынтымақтастықты дамыту және бірлескен киножобаларды жүзеге асыру мүмкіндіктері талқыланды.
Киноиндустрияға жаңа мүмкіндіктер
Ерлан Карин Қазақстанда креативті индустриялар мен жаңа технологияларды дамытуға ерекше мән беріліп отырғанын атап өтті. Оның айтуынша, ірі халықаралық жобалар отандық кино мамандарының тәжірибесін арттырып, Қазақстанның әлемдік кино кеңістігіндегі танымалдығын күшейтуге мүмкіндік береді.
Astana AI Film Festival: 125 елден 8 мың өтінім
Кездесуде кино саласындағы жасанды интеллект пен жаңа технологияларды қолдану мәселесіне де назар аударылды. Осы орайда елордада өткен Astana AI Film Festival аталып өтті. Фестивальге жасанды интеллект көмегімен жасалған фильмдер байқауына әлемнің 125 елінен 8 мыңнан астам өтінім түскен.
